Kibernetika İnstitutunun alimləri ən yaxşı elmi işlərə görə qalib oldular
07.02.2014 / XəbərlərAMEA Kibernetika İnstitutunun alimləri İKT sahəsində dərc olunmuş ən yaxşı elmi işlərə görə mükafat müsabiqəsinin qalibləri oldular!
Azərbaycan Respublikasının Prezidenti yanında Elmin İnkişafı Fondu və Rabitə və İnformasiya Texnologiyaları Nazirliyinin maliyyə və təşkilati dəstəyi, UNESCO üzrə Azərbaycan Respublikasının Milli Komissiyasının isə təşkilati dəstəyi ilə keçirilən 3-cü birgə İKT üzrə mükafat müsabiqəsi çərçivəsində İKT sahəsində fəal çalışan alim və mütəxəssislərin fəaliyyətinin stimullaşdırılması məqsədilə İKT sahəsində dərc olunmuş ən yaxşı elmi işlər qiymətləndirilmişdir.
2014-cü ilin Hilton Baku hotelində 6 fevral tarixində keçirilmiş xüsusi təqdimat mərasimində və 7 fevral tarixində Nazirliyin "İnformasiya-kommunikasiya texnologiyaları ilinin yekunlarına və ilk telekommunikasiya peykinin orbitə çıxarılmasının bir illiyinə həsr olunmuş tədbir”də qaliblərin adları açıqlanmış, Fond və Nazirlik tərəfindən qaliblərə müxtəlif nominasiyalar üzrə diplomlar, sertifikatlar və pul mükafatları, müsabiqənin sponsorları olan "Nar Mobile” mobil operatoru və "BestComp Group” şirkəti tərəfindən isə onlara İKT-yə aid qiymətli hədiyyələr təqdim edilmişdir.
AMEA Kibernetika İnstitutunun 11 alimi bu müasbiqədə müxtəlif nominasiyalar üzrə qalib gəlmişlər:
Alim və mütəxəssislər üçün əsas nominasiya üzrə
Əliyev Telman Abbas oğlu, Abbasov Əli Məmməd oğlu, Quliyev Qəmbər Ağaverdi oğlu, Paşayev Fərhad Heydər oğlu və Səttarova Ülkər Eldar qızı
System of robust noise monitoring of anomalous seismic processes, Soil Dynamics and Earthquake Engineering (Elsevier, Science Citation Index, Impact Factor: 1.276), Vol. 53, 2013, pp. 11-25
məqaləsinə görə – II yer,
Ayda-zadə Kamil Rəcəb oğlu və Rəhimov Anar Bəybala oğlu
An approach to numerical solution of some inverse problems for parabolic equations, Journal of Inverse Problems in Science and Engineering (Taylor&Francis, England, Science Citation Index, Impact Factor: 0.754), Vol. 22, Issue 1, 2014, pp. 96-111
məqaləsinə görə – III yer,
Gənc alimlər (35 yaşadək) üçün nominasiya üzrə
Əşrəfova Yeganə Ramiz qızı
Optimal control of lumped sources in distributed-parameter systems on classes of impulse and heaviside functions, Cybernetics and Systems Analysis (Springer, USA), Vol. 48, Issue 5, 2012, pp. 798-806
məqaləsinə görə – I yer,
Quliyev Samir Zakir oğlu
Synthesis of control in nonlinear systems with different types of feedback and strategies of control, Journal of Automation and Information Sciences (Begell House, USA, Science Citation Index Expanded, Impact Factor: 0.04), Vol. 45, Issue 7, 2013, pp. 74-86
məqaləsinə görə – II yer,
Əlavə həvəsləndirici nominasiya üzrə
Məlikov Ağası Zərbəli oğlu
Methods for Analysis of Multiservice Wireless Cellular Communication Networks with Queues of Nonreal Time Calls. Part I. Cut off Strategy (Begell House, USA, Science Citation Index Expanded, Impact Factor: 0.04),Vol. 43, Issue 7, 2011, pp. 46-60,
Heydərov Polad Şahmalı oğlu
Multitasking application of neural networks implementing metric methods of recognition, Automation and Remote Control (Springer, USA, Science Citation Index, Impact Factor: 0.192), Vol. 74, Issue 9, 2013, pp. 1474-1485
məqaləsinə görə yer tutmuşlar.
Bundan əlavə gənc alimlərimiz Əşrəfova Y.R., Rəhimov A.B., Quliyev S.Z. və Məstəliyev R.O. 2013-cü ildə Azərbaycan Respublikasının Prezidenti yanında Elmin İnkişafı Fondunun keçirdiyi Gənc alim və mütəxəssislər üçün qrant layihələri müsabiqəsində qalib gəliblər.
Almlərimizi təbrik edirik və onlara yeni nailiyyətlər arzu edirik.