AMEA-nın professoru İlqar Məmmədov "Heydər Əliyev və elmi gənclik" mövzusunda tədbirdə çıxış edib

10.05.2019 / Xəbərlər

AMEA-nın Professorlarının Koordinasiya Şurası (PKŞ) və Gənc Alim və Mütəxəssislər Şurasının (GAMŞ) birgə təşkilatçılığı ilə ümummilli lider Heydər Əliyevin anadan olmasının 96-cı ildönümünə həsr edilən "Heydər Əliyev və elmi gənclik" mövzusunda tədbir keçirilib. Tədbirdə AMEA Professorlarının Koordinasiya Şurasının (PKŞ) elmi katibi, AMEA İdarəetmə Sistemləri İnstitutunun "İdarəetmənin riyazi məsələləri" laboratoriyasının rəhbəri, AMEA-nın professoru, riyaziyyat elmləri doktoru İlqar Qürbət oğlu Məmmədov çıxış etmişdir. O, çıxışı zamanı, müasir və müstəqil Azərbaycan dövlətinin banisi-ümummilli liderimiz Heydər Əliyevin xalqımız qarşısındakı müstəsna xidmətlərindən danışmışdır. Xüsusi qeyd etmişdir ki, ulu öndərimiz-unudulmaz Heydər Əliyevin xalqımız qarşısında ən böyük xidmətlərindən biri ondan ibarərdir ki, ikinci dəfə hakimiyyətə gəldikdən sonra ilk növbədə ölkədə vətəndaş müharibəsinin və qardaş qırğınının qarşısını aldı. Qeyd etdi ki,ümummilli liderimiz əvvəlcə ölkədə siyasi sabitliyə nail oldu və daha sonra davamlı iqtisadi inkişafın təməl prinsiplərini qurdu. İclasda bəyan etdi ki, bu gün inkişaf edən qüdrətli  müstəqil Azərbaycanımız ümummilli liderimizin ölməz əsəridir, müstəqil Azərbaycanımız məhkəm əllərdədir və başlanan bu siyasi kursu ümummilli liderimizin layiqli davamçısı möhtərəm prezidentimiz İlham Heydər oğlu Əliyev davam etdirir. Sonda vurğuladı ki, müstəqil Azərbaycan dövlətinin qurucusu-ümummilli liderimiz Heydər Əliyevin əziz xatirəsi xalqımızın qəlbində daim yaşayacaqdır.

Link: science.gov.az/news/open/10353