İSİ-nin Gənc Alimlər və Mütəxəssislər Şurasının 2 fevral Gənclər Günü ilə bağlı tədbiri keçirilmişdir
31.01.2020 / Xəbərlər31 yanvar 2020-ci il tarixində AMEA-nın İdarəetmə Sistemləri İnstitutunda Gənc Alimlər və Mütəxəssislər Şurası və Təhsil Şöbəsinin birgə təşkil etdiyi 2 fevral Gənclər Gününə həsr olunmuş tədbir keçirmişdir. Tədbiri institutun Gənc Alimlər və Mütəxəssislər Şurasının sədri, dosent Rəşad Məstəliyev açaraq Gənclər gününün yaranma tarixindən, əhəmiyyətindən ətraflı danışmışdır. Həmçinin sədr Gənc Alimlər və Mütəxəssislər Şurasının 2019-cu il fəaliyyəti haqqında məlumat vermişdir.
Sonra Gənc Alimlər və Mütəxəssislər Şurasının sədr müavini, i.ü.f.d. Aygün Əliyeva çıxış edərək Ümummilli lider Heydər Əliyevin təməlini qoyduğu Gənclər siyasətindən və hal hazırda bu siyasi istiqaməti laiqincə davam etdirən İlham Əliyevin ölkədə apardığı islahatlardan və gənclərin inkişafı üçün yaradılmış şəraitdən danışaraq, gənclərin bu siyasəti dəstəklədiklərini vurğulamışdır.
İnstitutun Gənc alimləri Nigar Alışzadə və Lamiyə Nəcəfova çıxış edərək, öz uğurlarından ətraflı şəkildə danışmış və bir çox gənclərimiz üçün faydalı olan məlumatları vermişdirlər.
İSİ-nin 2.1 saylı “İdarəetmənin riyazi məsələləri” laboratoriyasının rəhbəri, AMEA-nın professoru, r.ü.e.d. İlqar Məmmədov da çıxış edərək Gənclər gününün əhəmiyyətindən və özünün bu günlə bağlı iştirak etdiyi tədbirlərindən danışaraq gənclərlə xatirələri ilə bölüşmüşdür.
İnstitutun elmi katibi Zəhra Əzizova da çıxış edərək gənclərin fəaliyyəti haqqında daha da ətraflı məlumat vermişdir.
Sonda İdarəetmə Sistemləri İnstitutunun direktoru, akademik Telman Əliyev çıxış edərək, gənclərimizə uğurlar arzulamış, və onlara işlərində daha da yüksək səviyyələr əldə etmələri üçün öz tövsiyyələrini vermişdir.